Í meðfylgjandi greinargerð losun gróðurhúsalofttegunda er gefin upp sem heildarlosun á hvern íbúa, án losunar vegna landnotkunar (innifalin er þá losun vegna bruna jarðefnaeldsneytis, jarðvarmavirkjana, iðnaðar og efnanotkunar, landbúnaðar og meðhöndlunar úrgangs).
Heildarlosun Íslands er sýnd á fyrsta grafinu og til samanburðar er losun Íslands svo einnig sýnd sem punktalína á gröfunum fyrir hin Norðurlöndin og ESB-löndin. Losun á hvern íbúa er hæst á Íslandi en lægst í Svíþjóð. Losun á hvern íbúa á Íslandi var 12,0 tonn árið 2023 en jókst til ársins 2024 þegar hún var 12,4 tonn. Í Svíþjóð var losunin 4,2 tonn á hvern íbúa árið 2023 en jókst í 4,5 tonn árið 2024.
Á blaðamannafundi hinn 12. september á síðasta ári sagði umhverfisráðherra, Jóhann Páll Jóhannsson:
Það er kominn tími á tiltekt í loftslagsmálum, og þetta er nákvæmlega það sem við höfum verið að gera undanfarna mánuði.
Því miður hefur frammistaða ráðherra ekki verið sem skyldi. Í loftslagsmálum ríkir enn óreiða. Ríkisstjórn Íslands verður að styrkja loftslagsráðuneytið umtalsvert ella mun Ísland dragast enn frekar aftur úr. Sjá í viðhengi minnisblað sem Náttúruverndarsamtök Íslands létu taka saman til að geta borið saman árangur Íslands samanborið við hin Norðurlöndin og ríki ESB