Navigate / Profile / Search

Profile

Arni Finnsson
11. febrúar 2016
Náttúruvernd

 

 

 

 

 

 

 

 

 

Miðhálendið
- einn mesti fjársjóður landsins
Ráðstefna í Hörpu

Náttúruverndarsamtök Íslands, Landvernd og Náttúruverndarsjóður Pálma Jónssonar halda ráðstefnu í Hörpu 26.-27. febrúar næstkomandi. Efni ráðstefnunnar er miðhálendið og stofnun þjóðgarðs á hálendi Íslands. Þar munu fjölmargir aðilar sem þekkja til náttúrufars og útivistar á hálendinu halda fyrirlestra, auk þess sem fjallað verður um reynsluna af stofnun Vatnajökulsþjóðgarðs. 

Þá munu tveir erlendir fyrirlesarar einnig koma fram.

Dr. Christopher Hamilton er bandarískur eldfjallafræðingur sem er sérfróður um eldvirkni á reikistjörnum sólkerfisins. Hann hefur stundað rannsóknir á miðhálendi Íslands og vinnur nú fyrir HiRise teymi bandarísku geimvísindastofnunarinnar NASA. HiRise teymið rannsakar m.a. gög um líf á Mars og framtíðarlendingastaði á rauðu plánetunni.    

Marg­ar hliðstæður eru á milli jarðfræði Íslands og Mars og hefur landið, og þá sérstaklega miðhálendið, verið vin­sæll áfangastaður fyr­ir þá sem rann­saka rauðu reiki­stjörn­una. Enda þykja tölu­verð lík­indi með þeim jarðmynd­un­um sem hér er að finna og þeirra sem menn reyna að ráða í á Mars. Dr. Hamilton mun segja ráðstefnugestum frá  rannsóknum sínum.

Þá mun Joel Erkkonen frá Finnlandi fjalla um efnahagslega og heilusfarslega ábata af þjóðgörðum í Finnlandi. Joel er ráðgjafi hjá finnsku stofnuninni Parks & Wildlife Finland. Hann hefur rannsakað samfélagsleg og efnahagsleg áhrif þjóðgarða í Finnlandi. Þær rannsóknir hafa m.a. sýnt fram á að fyrir hverja evru sem lögð er í rekstur þjóðgarða skila sér 10 evrur tilbaka til samfélagsins.  

Ókeypis er á ráðstefnuna og hún opin öllum.

Skráning fer fram í gegnum steinar@natturuvernd.is 

Sjá dagskrá ráðstefnunar hér.